Odu a nga ke di bia ñ be Aku’u

A nga bo na, Aku’u a nto. Ve kui mfôme zen, a bet élé yôp, a mbo’o. Bôt be lôte zen, ve Aku’u a bo’o, te mate. Melu mese, ve nalé.

Nde Odu a nga so. Odu na,

“A Akuk, ô wô’ô bo aya ? Zene bebé ana, wo ke ô bo’o va. Bôt be lôtôk, wo te tup. Za a nga ve wo biañe nyô ? M’ayi na, wo ke ô ve me je”.

Aku’u na,

« Za’a he ».

Nde Odu a nga so, nye na,

“Bebe’e va”.

Odu ve betebe. Bôt be nga zu b’asôk. Aku’u na,

“O tabe’e ne séé ! te fe fô’ôsan ».

Ve bôt be nga zu. Odu a ye jibi, te ke ajibi. Odu na,

« A Akuk ! A Akuk ! »

Aku’u a bete mis, a nga fombô nye. Odu na,

« Za’a nyoñe biañe jôé. M’abo, nge bô be nga lôte zen, nlem ô nga bo me ne fep, fep, fep !”

Ve Aku’u a fombô nye. Bôt be nga zu b’asô’ô bebé. Odu a ye jibi, te ke ajibi. Nye na,

« A Akuk ; za’a nyoñe biañe jôé ; m’abo, nge bô be nga lôte zen, nlem ô nga bo me ne fep, fep, fep ! »

Eyoñ bôt be nga kui bebé, odu te fe ajibi ; bebek ! a yele. Ane Odu a nga supe biañ ana amu woñ, te ngule ya jibi ane Aku’u.